naasa ne dee chetaavanee:burj khaleepha se doguna bada esteroyad prthvee kee or badh raha, raat 3 baje kareeb se gujarega
aaj raat kareeb 3 baje ek bade aakaar ka esteroyad prthvee ke kareeb se gujarega. aakaar mein duniya kee sabase badee bilding burj khaleepha se bhee bada yah esteroyad prthvee se kareeb 19 laakh kilomeetar dooree se gujarega, jo prthvee aur chandrama ke beech kee dooree ka lagabhag 5 guna hai.
sunane mein bhale hee yah dooree bahut jyaada lagatee ho, lekin amerika kee spes ejensee naasa ke mutaabik, kareeb chhah laakh saal baad prthvee ke itane kareeb se koee itana bada esteroyad gujar raha hai. aakhiree baar jo esteroyad itana kareeb se gujara tha, usake kaaran prthvee ke taapamaan mein aae badalaav ko hee dainaasors ke khaatme ka jimmedaar maana jaata hai.
neshanal eyaronotikal end spes edaministreshan yaanee naasa ne 7482 (1994 pch1) naamak is esteroyad kee lambaee kareeb 1 kilomeetar yaanee 3280 pheet bataee hai. haalaanki naasa ke mutaabik, isase dharatee ko kam khatara hai. lekin agar esteroyad apana raasta badal leta hai to prthvee ke lie khataranaak saabit ho sakata hai aur bhaaree tabaahee mach sakatee hai. pahalee baar saal is esteroyad kee khoj saal 1994 mein kee gaee thee.
naasa ne tveet kar dee jaanakaaree
naasa ne is baat kee jaanakaaree tvitar ke jarie sheyar kee hai. naasa ne tveet mein likha, “behat prasiddh esteroyad 1994 pch1 (~1 kimee chauda) aaj prthvee ke sabase nikat rahega. hamaare #planaitarydaifainsai visheshagyon dvaara dashakon se isaka adhyayan kiya ja raha hai. nishchint rahen, 1994 pch1 mangalavaar 18 janavaree ko hamaare plenet se 1.2 miliyan meel dooree se surakshit roop se udaan bharega.
naasa ne tveet mein is esteroyad ko traik karane ke lie link bhee diya hai. is tveet ke baad logon ke andar kaaphee utsukata paida ho gaee. isake baad adhikaansh logon ne naasa kee vebasait ke maadhyam se esteroyad ko monitar kar rahe hain.
esteroyad kee chamak any grahon va taaron se kam
esteroyad kee chamak shukr kee chamak aur aakaash mein dikhaee dene vaale any taaron kee tulana mein kam hai. vebasait ke anusaar, 6 inch ya usase bada hom teleeskop esteroyad ka pata lagaane mein madad kar sakata hai, lekin koee baadal ya pradooshan nahin hona chaahie. naasa ne yah bhee spasht kar diya hai ki esteroyad se prthvee ko koee khatara nahin hai.
naasa ne esteroyad ko modane ka kiya tha prayaas
pichhale saal nabanvar mein ek esteroyad kee prthvee se takaraane kee sambhaavana jataee gaee thee. to vaheen, naasa ne pichhale saal ek esteroyad ko modane ka pahala prayaas kiya tha. aisa anumaan hai ki isee saal 26 sitambar aur 1 aktoobar ke beech, dimorphos naamak ek chhota chandrama daart se takaraega. isase chaand ke prakshepavakr (trajaichtory) mein maamoolee badalaav ka anumaan hai.
naasa ke anusaar, aisa koee esteroyad maujood nahin hai, jo aane vaale 100 varshon ke bheetar prthvee se takaraane ke jokhim ka pratinidhitv karata ho.
amerikee atanriksh ejensee ne daart mishan laanch kiya
ek riport se milee jaanakaaree ke anusaar, aaj se kareeb 89 saal pahale ek esteroyad 7482 (1994 pch 1) dharatee ke sabase paas se gujara tha, jisakee prthvee se dooree lagabhag 11 laakh kilomeetar bataee gaee thee. naasa kee riport kee maanen to, 18 janavaree 2105 ko ye esteroyad 7482 (1994 pch 1) dharatee ke kareeb se gujareg. amerikee atanriksh ejensee ne esteroyad ko dharatee se takaraane se rokane ke lie naee takaneek kee khoj mein lagee huee hai. abhee pichhale saal yah ejensee ne daart mishan ko laanch kiya hai.
kya hai esteroyad?
esteroyad ek prakaar ka ulkaapind ya kshudragrah hota hai jo kisee grah ke nirmaan ke samay mein chhote-chhote tukadon mein bant jaate hain aur soory ke chaaro or chakkar lagaane lagate hain. isee tukadon mein se koee ek tukada apanee kaksha se baahar nikalakar prthvee ke kareeb aa jaata hai. jyaadaatar mauke par grahon kee kaksha mein esteroyad jal jaate hain, lekin kaee baar esteroyad kee takkar prthvee se ho chukee hai