jang ka khatara badha:roos ne yookren mein apanee embesee khaalee karaee, kanaada ne sainik bheje- briten ne entee taink misailen yookren ko deen
roos aur naato ke beech yookren ke mudde par tanaav badhata ja raha hai. is maamale mein tejee se devalapament ho rahe hain. roos ne yookren kee raajadhaanee keev mein maujood apanee embesee lagabhag khaalee kara lee hai. isake maayane ye hue ki roos apane dootaavaas mein maujood logon ko jang kee haalat mein kisee khatare mein nahin daalana chaahata. doosaree taraph, kanaada ne roos ke mukaabale ke lie yookren mein apane kuchh sainik bhej die. udhar, briten ne bhee yookren ko roosee tainkon ka saamana karane ke lie entee taink vepans sambhavat: misailen dee hain.
roos ka seekret mishan
‘nyooyork taims’ kee mangalavaar ko jaaree riport ke mutaabik, roos bahut gupachup tareeke se yookren ko gherane kee koshish kar raha hai. 5 janavaree ko usane keev sthit apanee embesee se 18 logon ko mosko ravaana kiya. ye sabhee log sadak ke raaste 15 ghante ka saphar karane ke baad mosko pahunche. isake baad agale kuchh dinon mein 30 aur logon ko isee tarah mosko bheja gaya. yookren mein keev ke alaava roos kee do konsyulets bhee hain. inake karmachaariyon se kaha gaya hai ki unhen kisee bhee vakt mosko jaane ka aadesh diya ja sakata hai.
ek taraph to roosee raashtrapati vlaadimir putin amerikee president jo baiden se yookren ke masale par baat kar rahe hain, doosaree taraph roosee phauj hamale kee taiyaariyaan kar rahee hai. embesee ko khaalee karaaya jaana isee kadee mein aham kadam maana ja sakata hai. haalaanki, roos kee phoren ministree ne mangalavaar ko kaha ki keev mein usakee embesee pahale kee tarah kaam kar rahee hai.
amerika bhee taiyaar
roos kee harakaton par amerika aur naato bahut painee najar rakh rahe hain. javaabee taiyaariyaan bhee shuroo ho chukee hain. philahaal, amerika ke sahayogee yookren kee madad kar rahe hain. briten ne yookren kee madad ke lie aham phaisala kiya aur is par amal bhee shuroo kar diya. briten ne roosee tainkon ke mukaabale ke lie apane entee taink vepans yookren bhejana shuroo kar die hain. doosaree taraph, kanaada ne apane sainikon kee ek speshal rejeement keev bhej dee hai.
amerikee eksaparts ke mutaabik, roos ne 60 bataaliyan yookren ke bordar par tainaat kee hain. kul milaakar roosee sainikon kee sankhya 77 hajaar se ek laakh bataee ja rahee hai. haalaanki, ek maheene pahale pentaagan ne yah sankhya ek laakh 75 hajaar bataee thee. amerikee intelijens ko lagata hai ki roosee sena is baat ka intajaar kar rahee hai ki bordar eriya mein barph pooree tarah jam jae. isase sainik aur aartilaree ko moov karane mein aasaanee hogee.
