korona sankraman mein brestapheeding:
kya doodh pilaane se navajaat bachchon mein traansaphar ho sakata hai vaayaras? naee risarch mein jaanen javaab
brestapheeding ke jarie ek korona pojitiv maan apane bachche ko sankramit kar sakatee hai ya nahin, logon ko is par bahut kamphyoojan rahata hai. ise door karane ke lie haal hee mein amerikee vaigyaanikon ne ek risarch kee hai. isamen unhonne bataaya hai ki brestapheeding ke jarie sankramit mahila se usake bachche mein vaayaras traansaphar hone ka ab tak koee bhee saboot nahin mila hai. is shodh ko peediyaatrik risarch jarnal mein prakaashit kiya gaya hai.
brest milk mein na ke baraabar mila korona vaayaras
vaigyaanikon ke anusaar, brest milk mein bahut hee kam maatra mein korona vaayaras ka jenetik materiyal paaya gaya hai. haalaanki is materiyal se vaayaras malteeplaee hokar doodh peete bachche ko sankramit kar sakata hai, isaka koee klinikal saboot nahin mila hai.
bachchon ko sankramit maan ke brest milk se koee khatara nahin
yoonivarsitee oph kailiphorniya ke shodhakartaon ne is risarch mein 110 mahila volantiyars ke brest milk kee jaanch kee. in maanon ne yoonivarsitee risarch ke lie apane saimpals donet kie the. inamen se 65 mahilaen doneshan ke samay korona sankramit theen. vaheen 9 mahilaen aisee theen, jinamen vaayaras ke lakshan the, lekin unakee riport negetiv thee. isake alaava, 36 mahilaen aisee bhee theen, jinhonne lakshan hone ke baavajood apana test nahin karavaaya tha.
risarch ke anusaar, mahilaen korona pojitiv hone par bhee bejhijhak apane bachchon ko doodh pila sakatee hain. risarch ke anusaar, mahilaen korona pojitiv hone par bhee bejhijhak apane bachchon ko doodh pila sakatee hain. vaigyaanikon ko 110 mein se 7 saimpals yaanee 6% brestapheeding karaane vaalee mahilaon mein korona vaayaras ke mool roop (sars-chov-2) ka jenetik materiyal mila. ye mahilaen ya to korona sankramit theen ya inamen vaayaras ke lakshan the.
shodhakartaon ne risarch ke doosare phej mein in 7 mahilaon ke brest milk ke dobaara saimpals lie. 1 se 97 din ke beech lie gae in saimpals mein korona ka jenetik materiyal nahin paaya gaya. isaka seedha matalab hai ki brest milk mein vaayaras malteeplaee nahin hua tha.
risarch ke leed vaigyaanik pol krogastaad kahate hain, “maan ka doodh shishuon ke lie poshan ka ek bahut bada sors hai. risarch mein hamen is baat ka koee saboot nahin mila ki kovid-19 se sankramit maanon ke brest milk mein korona vaayaras malteeplaee hota hai. saath hee isase shishuon ke sankramit hone ka bhee koee saboot nahin mila hai, jisase pata chalata hai ki brestapheeding se unhen koee khatara nahin hai.
” korona pojitiv hone par kaise karaen brestapheeding?
vishv svaasthy sangathan (who) kahata hai ki aisee mahilaen bachchon ko brestapheeding kara sakatee hain, lekin kuchh saavadhaaniyaan baratakar. jaise- apane aasapaas kee cheejon ko disimphekt karen, bachche ko god mein lene se pahale haathon ko saabun-paanee ya sainetaijar se saaph karen aur maask lagae rahen.
. vishv svaasthy sangathan (who) kahata hai ki sankramit mahilaon ko brestapheeding ke samay maask lagaana chaahie. visheshagyon ke anusaar, jyaadaatar maen samajhatee hain ki brestapheeding sirph bachche ke lie jarooree hai, lekin aisa nahin hai. maanon ko bhee isake kaee phaayade milate hain. jaise- dileevaree ke baad badha hua vajan kantrol hone lagata hai. isase daayabiteej, hrday rog aur kainsar jaisee beemaariyon ka khatara bhee ghatata hai. inake alaava bhavishy mein haddiyon ke kamajor hone vaalee beemaaree yaanee ostiyoporosis kee aashanka aur post pregnensee bleeding bhee kam ho jaatee hai.
