Da.aphreeka mein kovid ka ajeeb kes:hiv mareej 9 maheene korona sankramit rahee, shareer mein vaayaras ke 21 myooteshans hue
Korona vaayaras mein hone vaale myooteshans jaanavaron ke saath-saath kamajor imyoonitee vaale logon mein bhee ho sakate hain. haal hee mein isaka saboot dakshin aphreeka mein huee ek risarch mein vaigyaanikon ne diya hai. unake anusaar, hiv se joojh rahee ek mahila ko jab korona sankraman hua, to usake shareer mein 9 maheene mein vaayaras ke 21 myooteshans hue. yahee myooteshans aage chalakar khataranaak vairient ka roop le sakate hain, jisase duniya mein mahaamaaree ka sankat badh sakata hai.
Mahila ke shareer mein 9 maheene tak raha korona
Yoonivarsitee oph kvaajulu-nataal ke vaigyaanikon ne risarch mein paaya ki korona se sankramit huee 22 varsheey mahila ke shareer mein vaayaras 9 maheene tak raha. is dauraan usaka hiv/aids ka ilaaj theek se nahin chal raha tha. jaise hee doktaron ne is mahila ko hiv ke khilaaph entee-retrovaayaral dava dena shuroo kiya, usaka imyoon sistam majaboot hua aur vah 6 se 9 haphton mein korona se rikavar ho gaee.
Risarch ke mutaabik, mahila ke shareer mein rahate hue vaayaras ke spaik proteen mein hee keval 10 myooteshans hue. spaik proteen ke jarie hee vaayaras doosaron ke shareer mein ghusakar unhen sankramit karata hai. isake alaava, mahila korona ke beeta vairient se sankramit thee, jo dakshin aphreeka mein hee eejaat hua tha. philahaal pooree duniya mein aag kee tarah phail raha omikron vairient bhee pahalee baar dakshin aphreeka mein hee ditekt kiya gaya tha. vaigyaanikon kee maanen to mahila ke shareer mein rahate hue vaayaras mein jo badalaav hue, unamen se kuchh omikron aur laimbada vairients mein bhee dekhe gae hai. vaheen kuchh myooteshans aise bhee hain jo vaayaras ko insaan ke imyoon sistam se ladane mein madad karate hain.
Kamajor imyoonitee hai to shareer mein jaldee myootet ho sakata hai vaayaras
Vaigyaanikon ke anusaar, yah risarch is baat ka saboot hai ki korona vaayaras un mareejon mein tejee se myootet ho sakata hai, jinaka imyoon sistam kamajor hai. aise log pahale se hee gambheer beemaariyon, jaise eds aur kainsar, se joojh rahe hote hain. in beemaariyon ka sahee tareeke se ilaaj na hone par bhee mareej buree tarah korona kee chapet mein aa sakate hain. kuchh logon kee imyoonitee janm se hee bahut kamajor hotee hai. vaigyaanikon ka maanana hai ki entee-retrovaayaral davaon kee madad se aise log korona se jaldee rikavar ho sakate hain.
Dakshin aphreeka mein sabase jyaada hiv/aids ke kes
Duniya bhar mein dakshin aphreeka ek aisa desh hai, jahaan hiv/aids ke sabase jyaada maamale hain. vishv mein kul milakar hiv ke 6 karod mareej hain, jinamen se 82 laakh dakshin aphreeka mein hai. ye ek aisa sankraman hai, jisamen insaan apanee imyoonitee dheere-dheere pooree tarah kho deta hai. imyoon sistam kamajor hone ke kaaran isake mareejon ko sardee-jukaam bhee bahut aasaanee se ho jaata hai. dashakon ke prayaas ke baavajood vaigyaanik ab tak isaka koee paramaanent ilaaj nahin nikaal pae hain.
