korona 50 din mein dam tod dega:bhaarateey vaigyaanik ka daava- naya vairient nahin aaya to 11 maarch tak kam ho jaega sankraman ka asar, 5 vajahen
bhaarat mein korona ke badhate maamalon ke beech indiyan kaunsil oph medikal risarch (ichmr) ke top saintist sameeran paanda ka ek bada bayaan aaya hai. unhonne kaha hai ki agar omikron ke baad korona ka koee naya vairient nahin aata hai, to 11 maarch tak ye mahaamaaree endemik stej mein aa jaegee. isaka matalab vaayaras ke sankraman kee raphtaar kaaphee dheemee ho jaegee.
pahale jaan len, kya hotee hai endemik stej?
amerika ke sentars phor dijeej kantrol end privenshan (chdch) ke mutaabik, koee beemaaree endemik stej mein tab maanee jaatee hai jab usakee maujoodagee sthaee aur sankraman saamaany ho jaata hai. aise mein mahaamaaree ka asar kam logon ya kisee khaas ilaake tak seemit ho jaata hai. isake saath hee vaayaras bhee kamajor ho chuka hota hai. isake alaava log bhee us beemaaree ke saath jeena seekh jaate hain.
korona mahaamaaree kee endemik stej aane kee 5 badee vajahen
1. omikron gambheer nahin, maild
metropolis helthakeyar limited ke do niranjan paatil kahate hain ki omikron korona ke pichhale vairients ke mukaabale maild hai. ye phephadon ko jyaada nukasaan nahin pahuncha paata, jisase nimoniya, oksijan kee kamee ho ya ichu mein bhartee hone kee jaroorat pade. omikron ke 85-90% maamalon mein mareej ko isake koee lakshan nahin aate.
2. korona vaikseen ka asar
toranto yoonivarsitee kee imyoonolojist jeniphar gommaramain kahatee hain ki maujooda vaikseen aur unake boostar doj hamaare imyoon sistam ko majaboot kar rahe hain. isase ham korona se hone vaalee gambheer beemaariyon kee chapet mein aane se bhee bach jaate hain. duniya bhar kee kaee kampaniyaan omikron ko nishaana banaane ke lie naee tarah kee vaikseen bhee taiyaar kar rahee hain.
3. omikron sankraman doosare vairients ke khilaaph badhaata hai imyoonitee
dakshin aphreeka mein huee ek haaliya risarch mein paaya gaya hai ki omikron sankraman hone par delta vairient ke khilaaph shareer mein enteebodee banatee hai. haalaanki, yah tabhee mumakin hai jab mareej phulee vaikseeneted ho.
4. omikron banega dominent korona vairient
amerika ke top saintist enthanee phausee ke anusaar, korona ke nae vairient se duniya mein lagabhag saare log sankramit honge. agar aisa hota hai to omikron vishv mein ek dominent korona vairient ban jaega aur logon mein isake khilaaph nechural imyoonitee ban jaegee.
5. korona ka ghaatak roop mareej ke saath hee khatm ho jaata hai
visheshagyon ka maanana hai ki jo vaayaras logon kee jaan leta hai, vah unheen ke saath mar jaata hai. nechar mein vaayaras ka vahee roop jeevit rah paata hai, jisake saath duniya kee badee aabaadee jinda rah sake. jis tarah 1918 mein aaee phloo mahaamaaree aaj keval sardee-khaansee vaala vaayaras banakar rah gaee hai, aisa korona ke saath bhee ho sakata hai.
desh ke lie omikron 11 disambar se bana tha sankat
do. sameeran paanda ne ek enaalisis ke jarie bataaya hai ki desh mein 11 disambar se omikron vairient ne pareshaanee badhaee thee. yah sankat 3 maheene tak bana rahega. unaka kahana hai ki 11 maarch tak hee hamen korona se kuchh raahat milegee. do. paanda kahate hain ki yadi omikron delta kee jagah le leta hai aur usake baad koee naya vairient saamane nahin aata hai, to ise korona mahaamaaree ka endemik stej mein aana maana jaega.
mumbee-dillee mein peek aaya ya nahin, ye kahana abhee mushkil
do. paanda kahate hain ki dillee aur mumbee jaise shaharon mein korona ka peek aaya hai ya nahin, abhee isakee pushti nahin kee ja sakatee. unake anusaar is savaal ka javaab 2 haphte baad hee mil paega, kyonki desh ke alag-alag raajy teesaree lahar ke alag-alag charanon mein hain. philahaal in shaharon mein omikron aur delta ka anupaat 80:20 hai.
