kal yookren jaenge jonasan:jang kee aashanka ke beech keev ja rahe briten ke pm, putin ko do took- sarahad se kadam peechhe kheench
yookren aur roos ke beech jang kee aashanka banee huee hai. briten, amerika aur naato desh roos par dabaav bana rahe hain ki vo yookren par hamale ke iraade ko chhod de. is beech, briten ke pradhaanamantree boris jonasan ne mangalavaar ko yookren vijit par jaane ka phaisala kiya hai. roos-yookren vivaad ke beech kisee raashtraadhyaksh ka yah pahala keev daura hoga. maana ja raha hai ki jonasan vahaan president jelenskee se mulaakaat karenge aur jang kee soorat mein roos ke khilaaph kaarravaee par rananeeti tay karenge.
daure ke ek din pahale jonasan ne roos ke raashtrapati vlaadimir putin ko do took shabdon mein chetaavanee dee. kaha- roos ko yookren ke sarahadee ilaakon se kadam peechhe kheench lene chaahie. isee mein sabakee bhalaee hai.
putin ko phir sakht sandesh denge jonasan
yookren daure par ja rahe boris jonasan ke baare mein maana ja raha hai ki vo vahaan se bhee putin ko yahee sakht sandesh denge ki vo jang ke mansoobe chhod de. jonasan ke saath videsh mantree lij troos bhee ja rahee hain. keev ravaana hone se pahale jonasan ne ek intaravyoo mein kaha- main president putin se vahee kahana chaahata hoon jo pahale bhee kah chuka hoon. unake lie ab bhee mauka hai ki vo kadam peechhe kheench len. agar roos ne 2014 kee galatee doharaee to duniya ke lie bhee isake bahut khataranaak nateeje honge. khud roos bhee isase bach nahin paega. yookren ke log jaan de denge, lekin vo roos ke aage jhukenge nahin.
sikyoritee kaunsil mein bhee takaraav ke aasaar
somavaar ko yooen sikyoritee kaunsil mein yookren masale par vichaar hoga. maana ja raha hai ki yahaan amerika aur briten ek saath honge, jabaki roos ka saath cheen de sakata hai. cheen mein 4 pharavaree se vintar olimpiks hone hain. amerika ke sahayogee deshon jaise briten, jaapaan aur kanaada ne in khelon ko diplomaitik baayakot kiya hai. isake maayane ye hue ki in deshon ke ethaleets to yahaan jaenge, lekin koee ophishiyal kisee prograam mein shaamil nahin hoga.
briten itana ektiv kyon
briten bhee yoorop ka hee hissa hai aur use lagata hai ki agar roos ne yookren par kabja kar liya to isase use aur poore yoorop ko khatara paida ho jaega. yookren aur briten ke kareeb kaarobaaree rishte hain. yahee vajah hai ki briten ne jang kee aashanka dekhate hue sabase pahale yookren ko sainy madad bhejee. usane entee taink vepans aur misailen keev bhejeen. itana hee nahin apane 30 sainikon ka ek dasta keev bheja taaki vo vahaan kee militree ko in hathiyaaron ke istemaal kee trening de saken. briten aur amerika ke alaava naato ke sabhee desh chaahate hain ki yookren is sangathan mein shaamil ho jae. doosaree taraph, roos ko lagata hai ki agar yookren naato ka hissa ban gaya to usakee suraksha ko bada khatara paida ho jaega.
