Tej vok karana phaayademand
Tejee se tahalane vaalee mahilaon mein haart pheliyar ka jokhim 34% kam, speed 4.8 kimee prati ghante ho to achchha
Shodhakartaon ka maanana hai ki haphtebhar mein ek ghante brisk vok jokhim ghata sakata hai. vok karana sehat ke lie achchha hai yah to sabhee jaanate hain, par tej gati se vok karana dil kee sehat ke lie bhee achchha hota hai, yah baat kam hee logon ko pata hogee. amerika kee braun yoonivarsitee ke taaja shodh mein daava kiya gaya hai ki dheeme vok karane vaalon kee tulana mein tej vok karane vaalee mahilaon mein haart pheliyar ka jokhim 34% tak kam hota hai.
Stadee ke dauraan shodhakartaon ne 50 se 79 saal kee 25,183 mahilaon ke helth rikord ka vishleshan kiya. inamen mahilaon kee tahalane kee gati ka jikr bhee tha. in pratibhaagiyon ko kareeb 17 saal tak traik kiya gaya tha. is dauraan 1,455 mahilaon ko haart ataik ka saamana karana pada. jin mahilaon ne daava kiya tha ki unakee voking speed 4.8 kimee prati ghante se jyaada thee, unhen 34% kam jokhim jhelana pada, vaheen jinakee speed ausat yaanee 3.2 kimee prati ghante ke kareeb rahee unhen 27% kam khatara tha.
Dil kee takaleephon ka jokhim bhee kam
Stadee ke pramukh lekhak do. chaarls eton ke mutaabik chalane kee speed dil kee sehat ka paimaana hai. yadi tej gati se nahin chal pa rahee hain to alart ho jaana chaahie. jin mahilaon ko jokhim hua, unake haart se shareer mein paryaapt maatra mein blad pahunchane kee prakiya baadhit hone lagee thee. yah badhatee umr kee takaleeph hai jise behatar jeevanashailee ke jarie sudhaara ja sakata hai. shodhakartaon ka maanana hai ki tej gati se chalane ke kaaran shareer mein raktasanchaar kee prakriya santulit rahatee hai. dil behatar dhang se kaam karata hai. isase dil se judee baakee takaleephon ka jokhim bhee kam ho jaata hai.
27 hajaar mahilaon par risarch
Amerikan jeriyaatriks sosaayatee jarnal mein prakaashit is stadee ke mutaabik dheeme chalane ke kaaran dil kee maansapeshiyon mein kisee tarah kee haani bhee ho sakatee hai. stadee ke nateeje saaph bataate hain ki dheeme chalane vaalon ke mukaabale tej chalane vaale ko phaayade jyaada milate hain. vaigyaanikon ka kahana hai ki is stadee se briten mein 27 hajaar mahilaon par huee pichhalee risarch ko bal milata hai, jisamen kaha gaya tha ki tej chalane vaalon ko dil sambandhee jokhim 20% tak kam hote hain. nateejon se yah bhee spasht hai ki chalane kee speed mein sudhaar karake aap dil kee sehat ko achchha rakh sakate hain.
Brisk vok se haphtebhar varkaut ke baraabar phaayada
Risarchars ka maanana hai ki haphtebhar mein ek ghante brisk vok jokhim ghata sakata hai. yah haphte mein do ghante mein saamaany ya dheemee gati se chalane ke hee baraabar hai. yaanee jo mahilaen tej vok nahin kar paatee hain, unake lie ausat speed se chalana bhee phaayademand hai. yahee nahin, thode samay ke lie tej vok karana utana hee phaayademand hai, jitana haphtebhar mein 150 minat varkaut karana.
