korona duniya mein:beete din 34.61 laakh nae sankramit mile; vaikseen devalap karane ke lie phaijar ke seeeeo ko mila 2022 ka jenesis sammaan
duniya mein beete din 34.61 laakh nae korona sankramiton kee pahachaan huee hai. 18.58 laakh log theek hue hain, jabaki 8,832 logon kee maut huee hai. nae sankramiton ke maamale mein amerika 7.10 laakh mareejon ke saath top par hai, jabaki 4.36 laakh nae maamalon ke saath phraans doosare nambar par hai. vaheen, 3.17 laakh nae maamalon ke saath bhaarat teesare nambar par hai.
amerika mein 2,374 naee mauten darj kee gaee hain. vaheen, bhaarat mein 491 logon kee maut huee hai. ektiv kes ke maamale mein amerika top par hai. pooree duniya mein 6.07 karod ektiv kes hain. inamen se 2.5 karod akele amerika mein hain. ab tak kareeb 33.92 karod se jyaada log is mahaamaaree kee chapet mein aa chuke hain. inamen se 27.28 karod theek ho chuke hain. vaheen, 55.83 laakh ne jaan ganvaee hai.
amerikee phaarma kampanee phaijar ke seeeeo albart baurla ko 2022 ke jenesis puraskaar se sammaanit kiya gaya hai. unhen yah sammaan kuchh hee maheenon ke bheetar korona vaikseen devalap karane ke lie diya gaya hai. sammaan ke tahat unhen kareeb 7 karod rupe (1 miliyan dolar) kee puraskaar raashi dee jaegee.
jenesis phaundeshan kisee yahoodee vyakti ko maanavata mein usake yogadaan aur yahoodee moolyon ke prati pratibaddhata ke lie har saal sammaanit karata hai. apane kshetr mein sarvochch yogadaan dene vaale logon ko is puraskaar ke lie chuna jaata hai.
duniya mein ab tak korona maamalon kee sthiti
kul sankramit: 33.38 karod
theek hue: 27.28 karod
ektiv kes: 60.78 karod
kul mauten: 55.83 laakh
baiden sarakaar maask distreebyooshan aur kovid test ke aham phaisale
amerika mein baiden sarakaar 40 karod n95 maask baantane ja rahee hai. ye n95 maask helth sentars aur phaarmesee ke jarie distreebyoot kie jaenge. pichhale haphte pablish kee gaee nyooyork taims kee ek riport ke mutaabik, sarakaar ne kaee kampaniyon ko kul 50 karod n95 maask taiyaar karane ko kaha hai. vhait ke ek adhikaaree ne bataaya ki vayask logon ko 3 maask die jaenge. vaheen, aane vaale samay mein bachchon ko bhee mupht maask diya ja sakata hai.
kampaniyon se yah maask khareedakar har raajy ko usakee jaroorat ke mutaabik distreebyoot kie jaenge, jahaan se aam log inhen mupht mein le sakenge. amerikee itihaas mein pahale kabhee itane bade paimaane par protektiv helth ikyupaments mupht nahin baante gae. amerikee helth eksaparts ke mutaabik, n95 maask korona ke khilaaph jang mein aham hathiyaar saabit hue hain. yah 95% eyaraborn eyar paartikals ko rok dete hain.
budhavaar ko hee amerika ne ek aur aham phaisala kiya. isake tahat chovidtaists.gov vebasait par rajistreshan karane ke baad ghar par hee mupht mein kovid test karaaya ja sakega.
